阿女漸漸都接受腳底按摩
Slash Dad Stephen
今早起身，坐在梳化自己按腳，按咗十分鐘正按得興起，雅媛又話要浸腳。
我：浸完要比我按一陣OK？
媛：我唔想喎，會痛架好似你頭先咁
我：身體有唔舒服按咗穴位先痛，平時無乜病痛按就唔痛，仲好舒服架
媛：好啦！
我：咁你等我按埋最後兩三個位先。
不經不覺，其實我學習足療已超過20年喇！ 我最近亦在籌備緊足療工作坊，希望幫下最近成日病嘅朋友，希望到時大家有興趣比我按下。
最近天氣極潮濕，除了屋企室內要抽濕之外，人體內部都要祛濕。 不過如果脾胃唔好嘅人，又好難祛濕。呢個時候最快嘅方法可按壓胃和脾反射區各2分鐘，最好每日至少做一次。力度以反射區痠痛為宜。 如果發覺腳板冰冷，尤其女士，不妨試試。
逢星期五晚的約定 老婆手腳冰冷，最近脾胃也弱，腳底按摩（足療）可以： - 促進血液循環 - 促進睡眠質素 - 促進增加津液 - 促進夫妻關係 - 促進了解身體狀況 我想開班，其實有幾多人想學？ 我記得當年學按腳被朋友笑
雅媛病了，佢開始覺得腳底按摩（應該叫足療）有用，願意被我按一個療程嘅時間。 pipi企圖飲浸腳水。 我用左一支新嘅靚cream嚟按腳，十分滋潤保濕。不過佢原本係一支hand and body cream, 滲透性強，所以按腳時好快就無咗潤滑的功能，要搽多幾次。間唔中先按就無所謂，又可以令雅媛對腳板底皮膚更靚。